一路好走!一代配音王逝世,終年86歲,今年5月才續約

2020年注定系傷感嘅一年。今朝早香港資深藝人、配音演員譚炳文因患肺癌不幸過生,享年86歲。備稱為配音王譚炳文三個月前發現肺癌,尋晚因呼吸困難畀送往律敦醫醫院。

據悉譚炳文今年5月先續約無線配音組,6月先證實患上肺癌,之后癌細胞擴散,較早前已接受電療。有指他生前有意再舉行一次生日會,可惜事與愿違,不敵肺癌過生。

譚炳文老師作為一個資深藝人,喺香港娛樂圈嘅地位都系德高望重。1950年代開始配音,1968年譚炳文正式加TVB做藝員同配音演員,佢一直專注于粵語配音,直至1975年TVB開辦配音訓練班,譚炳文更與幾位資深配音員丁羽、梅欣、盧國雄等擔任導師。

 

譚炳文曾短暫離巢轉投亞洲電視,但佢喺1999年返巢之后就主力配音,更從事配音工逾半世紀。佢亦有好多幕前演出,由電視劇至近年嘅電影都可以見到佢影蹤。

最為經典嘅劇集角色有《京華春夢》里面嘅金家大少金振東,系一個敗家仔,譚炳文晚年更獲導演杜琪峰器重,共《黑社會》、《放逐》同《奪命金》演出,譚炳文更加系經典金曲《舊歡如夢》原唱者。

2014年喺《無線配音組仝人聯歡暨頒獎典禮》中獲頒發終身成就獎,同年喺《萬千星輝頒獎典禮2014》榮獲萬千光輝演藝人大獎,肯定其喺演藝圈嘅付出同貢獻。

譚炳文逝世,除咗系配音界一大損失,更令佢唔少圈中好友與及后輩同業傷心。今日江美儀就喺個人Instagram上貼出與譚炳文前輩嘅合照,并感慨炳哥系一位我好敬重嘅前輩,希望炳哥早登極樂世界,南無阿彌陀佛。

而最為人津津樂道嘅,系譚炳文與李香琴嘅緋聞,二人從70年代開始做到而家,關系疑似真,緋聞傳足30多年。有指李香琴移民美國后返港拍戲時結識譚炳文,二人多年嚟合作無間,無論臺上臺下均畀公認為系一對。

譚炳文曾爆李香琴爆血管中風同患有腦退化并表示已年幾冇見,更一度感慨佢已經唔認得人,仲去做咩?老咗就系噉,睇幾時輪到我自己。之后,2018年炳哥因心臟衰竭做搭橋手術,李香琴,亦專登避開傳媒去探病,顯得甚為避忌。

李香琴近照

發表回覆

你的電郵地址並不會被公開。 必要欄位標記為 *