賭王嘅成功離唔開佢,但卻系唯一與賭王處唔嚟嘅女人

喪禮過後,賭王將擇吉安葬于摩星嶺1號昭遠墳場。呢個墳場都好系特別,不但風水極佳,賭王一線成個何東家族都大都安葬于此,包括賭王嘅一位“仇人”——佢親妹何婉琪

賭王一生風流倜儻,雖然如此,還系有個唯一處唔嚟嘅女人,就系十姑娘何婉琪

何鴻燊喺屋企排行第九,所以喺“賭王”之前,佢其實有個花名“九爺”。而排何鴻燊后面嘅妹就系何婉琪,人稱“十姑娘”。

賭王出身富貴之家,無奈后尾家道中落,佢跟住阿媽留喺香港,而妹何婉琪就同阿爸飛咗去越南,直到十九歲先重新返港。嗰陣嘅何婉琪人生得一個關鍵字,就系“靚”,唔信睇相。

因為生得靚,有人傳佢老竇可以喺越南東山再起開賭場,就系因為越南末代皇帝保大帝青睞于何婉琪嘅美貌。更有人話上海黑幫大亨杜月笙都曾敗喺何婉琪嘅花容月貌下。

賭王之所以成為賭王,佢妹何婉琪功不可末。成為賭王事業背后嘅女人。何婉琪跟爸爸去越南開賭場,耳濡目染嘅佢將呢份經驗帶回澳門,對后尾何鴻燊決定搞賭場有好深嘅影響。

喺何鴻燊開賭場之初,何婉琪仲毫不猶豫拎出200萬幫大佬,之后,更加系親力親為,入駐賭場打理生意一直做到總經理。當年何鴻燊同賭場另一個大股東葉漢發生內訌,都系何婉琪助哥哥一臂之力架空葉漢,幫何鴻燊獨食賭牌。

 

總之有呢個妹,何鴻燊如虎添翼,一直所向披靡。而何婉琪做嘢風格強硬、雷厲風行獨揀賭城大梁25年,一人之下,萬人之上。但系呢一切都因為賭王四太出現徹底改變。

四太梁安琪系一個狼角色,兼夾好有能力,到而家仍是澳博嘅掌門人之一。嫁賭王之后,就開始介入賭場生意將自家哥哥安排入賭場賬房,勢力擴張之路可以講系順風順水。


梁安琪明住暗里同何婉琪爭地盤,何婉琪不滿就一狀告到賭王度,但賭王非但冇幫阿妹,重將佢踢出董事局。從此兄妹反目,阿妹重將阿哥告上法庭,甚至出書控訴賭王騙錢、勒索……

加深賭王兄妹反面主要都系因為何家嘅一個驚天大秘密!啱啱返香港時何婉琪參加咗個家族聚會,小佢三歲堂弟何鴻章對何婉琪一見鐘情。

何鴻章

但何家系教條森嚴嘅精英貴族,不可能接受近親呢種不倫之戀。於是何家將何鴻章安排到美國讀書,何婉琪都喺屋企人安排下嫁咗畀富商麥志偉

六年之后何鴻章留學歸來,兩人重逢又舊情復熾。何家再一次嗅到苗頭,火速為鴻章定下婚事,迎娶英國名媛佘安妮

何鴻章同佘安妮一家人

何鴻章出于對心愛女人嘅愧疚,恰好嗰陣又繼承咗一筆遺產,於是佢拎出200萬補償何婉琪,呢200萬湊啱系后尾何婉琪幫何鴻燊投資賭場嗰200萬。

甘到咗梁安琪賭場勢大嘅時候,何婉琪為鞏固自己勢力曾向賭王提出畀自己個仔麥舜銘入董事局,但賭王二話沒說拒絕咗。系因為佢恃宠生娇,又爛賭成性周圍欠債,兼夾所有債都系何婉琪幫佢還嘅。

咁麥舜銘知道咗就覺得舅父系睇唔起自己,咪自爆咗個驚天大秘密:自己并唔系麥志偉嘅仔,而系何東家族之后——何鴻章同何婉琪嘅野仔!(都有傳言系何婉琪自爆)

何鴻燊自然都好嬲,話曬對精英富豪家族嚟講“家丑唔可外揚”,但呢麥舜銘仲順勢認祖歸宗畀自己改咗名“何東舜銘”。

之後,何婉琪開始狂爆賭王猛料,比如自己系因為野仔嘅事受賭王控制,逼佢放棄股權并為澳娛搏賣命幾十年。同時,佢重告賭王數次違反公司章程,私自截留公用基金達40億美元等……當然,最后以何婉琪敗訴收科。

喺十歲到幾十歲,何鴻章同何婉琪不顧世俗同嘲諷都要喺一齊,仲生下一對仔女,可以講系真愛喇。但晚年時兩個人就突然間決裂,還系因為個仔。

何東舜銘有個發妻陳復生,佢為人溫婉賢惠、孝順有禮,公婆對佢自然系萬分滿意。只可惜何東舜銘生性風流,愛沾花惹草,陳復生提出咗離婚。

何東舜銘不愿畀贍養費,仲就鬧上咗法庭。何鴻章知道咗雷霆大怒,唔想睇住仔拋妻棄子變渣男,一氣之下,要同何東舜銘斷絕父子關系。

但何婉琪唔肯,同個仔出招,將何鴻章告上法庭,兼夾索要名譽損失費幾個億。隨后何鴻章都不甘示弱,將何婉琪告上法庭,聲稱當年嘅200萬并唔系贈與,而系投資,要求何婉琪還錢?

後來何婉琪同何鴻章嘅關系降至冰點,昔日愛人反目成仇,兩個人嘅心結直到最后何鴻章病逝都未曾解開。2017年9月何鴻章過身,留低遺愿想何婉琪同個仔出席自己嘅葬禮,只可惜最后并未如愿。何婉琪仔乸只系送上咗花籃同卡片。

隨后唔到一年,何婉琪都死咗,最後佢都冇同阿哥何鴻燊和解,甚至遺愿系要賭王還錢(何婉琪一直話何鴻燊吞咗佢二十億嘅賭場分紅)。

發表回覆

你的電郵地址並不會被公開。 必要欄位標記為 *