TVB新劇《法證先鋒IV》播出以嚟，收獲唔少好評！劇集除咗搵嚟謝賢同米雪客串之外，亦有影后級人馬鮑起靜，喺劇中飾演尋親媽媽，雖然戲份唔算多，但有鮑姐影后實力，相當精彩！
鮑姐雖然演過無次阿媽角色，但飾演狠心拋棄女兒嘅媽媽亦系第一次。當中嘅哭戲，睇到觀眾心痛不已！
鮑姐受訪時，更加透露相當欣賞總監制梅小青：我哋識咗好多年，但竟然一次都未合作過。所以，今次佢一打電話畀我，我二話不說就應承。
佢又稱劇本好感動，好易投入角色，又大贊對手黃浩然與湯洛雯：一場戲寫得好都會令你好感動，即時可以投入角色！
Related Posts
