“收視福將”歐陽震華（Bobby）系圈中出名錫老婆，同老婆傅潔嫻結婚24年，雖然無兒無女，但多年嚟相處融洽，好恩愛。近年歐陽震華開始減產，一年一劇，要為身體健康著想，希望多啲時間陪太太。
現年59歲歐陽震華原名歐陽耀泉，1982年參加無線電視藝員訓練班入行，到90年代中榮升無線當家小生，有師奶殺手稱號。
90年代經陶大宇介紹下，結識咗前妻劉惠如，對方系一個發型師，二人一拍即合，但幾年后因性格不合，93年最終遺憾離婚，婚姻只維持得短短兩年幾。
單身一年幾，歐陽震華就邂逅現時太太傅潔嫻，拍拖冇幾耐就傳出婚訊，1996年二人喺加拿大正式結為夫妻。
個陣時嘅歐陽震華知名度有限，事業不如意，然而傅潔嫻嘅出現令佢得到唔少心靈慰藉。拍拖年幾就結婚，知情人士話：個女仔對Bobby好，又唔介意佢當時賺唔到錢，拍拖冇幾耐就一齊住喺銅鑼灣。
歐陽震華嘅太太家世顯赫，阿爺系澳門一代賭王傅老榕，在何鴻燊承投澳門賭業專營權之前，專營澳門賭業長達廿幾年之耐！家族除創辦香港富麗華酒店，又涉足地產業務，家族資產據知近80億。亦因為咁，當時歐陽震華被指系“食軟飯”。
受盡壓力後，事業愈嚟愈好，其后嘅大熱劇集有如《洗冤錄》、《法證先峰》、《金玉滿堂》、《情逆三世緣》等等，可謂系TVB其中一個唔少得嘅靈魂人物。之後就少人講負面了。
2013年歐陽震華得急性肺炎，昏迷入院搶救，更一度住入深切治療部，情況嚴重，嚇到太太同一班好友勁擔心。最後無事出來大發感言多謝太太照顧，要減少工作調養身體。
歐陽震華多次喺訪問中談及老婆，大曬恩愛：我老婆嫁我系因為我副身家，我副內在嘅身家，為人心地好！
