黃翠如，生於香港，籍貫廣東潮州。香港著名電視女演員，節目主持人。現為無綫電視旗下經理人合約女藝員兼力捧當家花旦之一。 另外，黃翠如亦是上市公司聯旺集團其中一名執行董事兼行政總裁黃永華的女兒，於股份上市當日，黃翠如亦到港交所出席上市儀式撐場。
藝人黃翠如在社交網玩直播，話第一次自己玩直播，今次主要係分享女人唔補好易老，仲話之前飲過冬蟲水，但因太貴而冇繼續，最近則改為食滴雞精，但居然因此嚇親阿媽！
翠如話依家入秋、踏入易病季節，所以要打定底。之前叫過阿媽整雞精，整好之好放入雪櫃方便佢每日食用，但阿媽嫌麻煩、聽完就算。最近經朋友介紹買滴雞精，試過覺得「好正氣」，又有原味同多種中藥口味，所以叫埋阿媽一齊食，點知阿媽見到就追問佢「係咪有咗」，話呢啲係大肚婆食㗎！ 
不過翠如澄清話飲滴雞精唔一定係因為有身孕，平時飲都對身體有益。至於直播地點，佢就話係朋友屋企間廚房，因為今日約咗一大班朋友打邊爐，而最後男友蕭正楠為咗要翠如完結直播、快啲繼續打邊爐，索性入鏡同大家講拜拜添。 
本文轉載與東網
如有侵權請聯系刪除
