前TVB小花被曝做小三,二女爭一有案底男,鬧到要報警案?!

睇過TVB新聞都唔會陌生陳嘉倩。

27歲前新聞小花陳嘉倩一直有唔少宅男fans,被封「嘉倩BB」,早前離開TVB,重返校園讀碩士課程,形象健康。

點知去年被爆同一個有案底嘅「凸肚男」陳志遠(Stephen)拍拖。PS:陳志遠持刀禁錮前無線六合彩女主播陳思琦12小時,對方要脅要同歸於盡,結果陳志遠被判入獄28個月,留有案底。

 

冇耐仲傳出嘉倩BB做第三者,介入「凸肚男」陳志遠同大臺藝人朱婉禎嘅三年情。

有報導指嘉倩BB帶住嘅西伯利亞雪撬犬,本來系朱婉禎嘅愛犬,朱婉禎哭訴陳嘉倩明知陳志遠有女友,仲糾纏不清,還公開分手後嘉倩狂發箍煲短訊複合,以「老公」稱呼其男友求複合,留言:「我掛住你」、「你唔好走」,朱婉禎更公開曾於半夜2時許,收到由「陳嘉倩」影像發出嘅私信,向佢詢問男友聯絡方法。

朱婉禎噚日喺尖沙咀開完工,對於陳嘉倩指自己唔認識陳志遠身邊「嗰個女嘅」,朱婉禎邊笑邊話:「有時我覺得好好笑,佢點會唔知我存在,我問你喇,佢都有inbox我,如果你唔識我,會唔會揾我?」

對於陳嘉倩覺得被公開嘅短訊有人刪減過,朱婉禎就好勞氣咁話:「我唔知用乜字來形容佢,如果系假,咁上面嘅電話系咪假?我叻到去電訊公司叫人整一張電話咭,再整message?佢系咪當人傻,講大話有個譜。」

對於陳嘉倩稱跟陳志遠拍拖一年,朱婉禎表示以佢所知,兩人系暑假才開始拍拖,問佢有冇打算同陳志遠分手?朱婉禎直言將來嘅事唔知道,現處於拉鋸階段,又坦言唔知道陳嘉倩同陳志遠現時關係,又話本來對陳嘉倩印象幾好,但現在好差:「我唔去評論佢個人系點,佢做過乜嘢佢自己知,天知地知,若要人不知,除非已莫為,人在做天在看,我唔想對佢多加評論,但呢件事佢的確系大話精!」

朱婉禎續稱:「本來我都想息事寧人,無啦啦有個閨密走出嚟話佢有咗,因為呢樣先激發到我!」

對於朱婉禎在雜誌的指控,嘉倩BB澄清:「首先我唔知有咁樣嘅女仔出現,我同陳先生相處時間,從來冇聽過有一個咁樣嘅女士,唔排除中間有人隱瞞事情,我可能被蒙在鼓裡。」對於雜誌刊登的對話截圖,嘉倩BB表示:「我唔排除有人當中有收過啲乜嘢,但我同佢分手,系冇乜嘢激烈事情發生,或第三個人。」

她指與陳志遠拍拖未夠一年,自從對方傳出負面新聞,兩人已和平分手:「我考慮咗一段時間,已慢慢疏遠,但分手後越嚟越多呢啲嘢發生,自己以為唔回應,謠言止於智者,但原來唔系,可能有人從中抹黑我,大家都蒙在鼓裏。」

晚上嘉倩BB在社交網撰千字文反擊:「我陳嘉倩重申一次,這一連串新聞都屬不實報導。我不會讓自己陷入羅生門,更不會搬出任何照片及斷章取義的對話紀錄,因為我已將這半年來我所受的滋擾及威嚇交由警方處理。」

嘉倩BB強調分手後沒有苦苦哀求:「怎料提出分開後,就收到不斷的威嚇、滋擾,亦有人揚言要每天跟蹤我,我擔心自己的人身安全,今天才站出來,將所有對我的威脅行為報警備案,並希望造謠者能停止。我不怪那位哭泣的女士,更不怪這一連串新聞背後的造謠者,我只怪自己當初沒有帶眼識人。」

現時陳嘉倩已經報警備案。陳嘉倩又表示現階段會好好專注學業,和盡情享受久違了的校園生活。惟望歲月靜好,各界朋友能給予她更多空間去過她想過的活。陳嘉倩又自言「從來都不是甚麼BB」,更不是甚麼女神,現在只想拿回一個普通女孩的清白。

發表回覆

你的電郵地址並不會被公開。 必要欄位標記為 *